Bu ilin yanvar-sentyabr ayları ərzində Azərbaycanda 30 ədəd minik avtomobili istehsal edilib.
Mynews.az Dövlət Statistika Komitəsinə xəbər verir ki, nəticədə minik avtomobillərinin istehsalı 78,7%, yük avtomobillərinin istehsalı 98,4% azalıb.
Ötən ilin müvafiq dövrü ilə müqayisədə maşın və avadanlıqların istehsalı 27,7%, sair nəqliyyat vasitələrinin istehsalı isə 23,7% artıb. Doqquz ay ərzində fəvvarə armaturunun istehsalı 89,3% azalıb, ştanqlı quyu nasoslarının istehsalı 21,6%, xüsusi təyinatlı kommunal maşınların istehsalı 96,2%, traktorların istehsalı 46,0% artıb.
