Azərbaycan hökumətinin proqnozuna əsasən, 2017-ci ildə dünya bazarında neftin 1 barelinin orta qiyməti 50 dollar təşkil edəcək.
Mynews.az xəbər verir ki, bu barədə İqtisadi İnkişaf Nazirliyinin hazırladığı 2018-2021-ci illər üzrə iqtisadi və sosial inkişaf konsepsiyası və proqnoz göstəricilərində əksini tapıb.
Bildirilir ki, növbəti il üçün beynəlxalq təşkilatlar tərəfindən neftin bir barelinin 50 dollar ətrafında proqnozlaşdırılmasını nəzərə alaraq, 2018-ci ilin dövlət büdcəsi gəlirlərinin hesablanması zamanı neftin ixrac qiyməti 45 dollar səviyyəsində qəbul edilib.
O da məlum olur ki, 2018-ci ildə "qara qızıl"ın orta qiyməti 45 dollar olduğu halda, 2019, 2020 və 2021-ci illərdə isə bu rəqəm 40 dollar olacaq.
