İşlənmiş avtomobil bazarında həm benzinlə, həm də dizellə işləyən avtomobillərin qiyməti artıb. Bununla yanaşı, son vaxtlar alıcı qıtlığı yaranıb.
Bunu “Bizim Yol”un əməkdaşı ilə söhbətində satıcılar bildiriblər. Onlar bildiriblər ki, bazarda alqı-satqı əməliyyatlarının sayı kəskin şəkildə azaldığı üçün avtomobilin idxalında da azalma müşahidə olunur. Nəticədə maşın bazarında satışa çıxarılan avtomobillərin sayı da azalıb.
Satıcıların dediyinə görə, nibsətən tələbat mühərrikinin həcmi kiçik, ehtiyyat hissələri isə ucuz olan avtomobillərədir. Belə avtomobillərdən isə ikinci əl “Mercedes” maraklı avtomobillərə üstünlük verilir. Satılan avtomobillər əsasən dizellə işləyən avtomobillərdir.
Söhbət etdiyimiz alıcılar avtomobillərin qiymətinin ciblərinə uyğun olmamasından şikayət edirdilər. Satıcılar isə deyirlər ki, bazarda canlanma olmasa da, qiymət artımı sürətlənəcək.
