Bu gün FES-in yeni rəhbəri bəlli olacaq

İqtisadiyyat

11:30 01.11.2017

ABŞ prezidenti Donald Trampın cümə axşamı Federal Rezerv Sisteminin yeni rəhbərini elan edəcəyi gözlənilir. Eyni zamanda, çərşənbə günü FES-in toplantısı keçiriləcək.

Mynews.az xəbər verir ki, Donald Trampın FES rəhbərliyinə Cerom Pauellinin namizədliyini  irəli  sürəcəyi  bildirilir. Trampın kiçik siyahısında Stanford Universitetinin iqtisadçısı Cohn Taylor, Kevin Varş (ABŞ Mərkəzi Bankını mütəmadi olaraq tənqid edən 47 yaşlı iqtisadçı pul siyasəti və kommunikasiya sistemində dəyişikliyin tərəfdarı kimi tanınır), eləcə də, FES-in indiki rəhbəri Canet Yellen var. 

Bildirək ki, Federal Açıq Bazar Komitəsinin (FOMS) bu çərşənbə keçiriləcək iclasında faiz dəyişikliyinə gedilməyəcək. Lakin dekabrda baş tutacaq toplantı ilə bağlı eyni fikirləri söyləmək çətindir. Belə ki, inflyasiya faizlərinin aşağı qalmasına rəğmən FOMS-un dekabrda faizləri artıracağına dair gözləntilər yüksəkdir.

Qeyd edək ki, FOMC çərşənbə günü keçiriləcək iclasında uçot siyasəti ilə bağlı qərarını Vaşinqton saatı ilə 14:00-da açıqlayacaq.