Azərbaycan hökuməti Dövlət İnvestisiya Proqramı (DİP) çərçivəsində 2018-ci ildə dövlət büdcəsindən 294 layihəni maliyyələşdirməyi planlaşdırır.
Mynews.az Hesablama Palatasının 2018-ci il dövlət büdcəsi layihəsi ilə bağlı rəyinə istinadən bildirir ki, gələn il 88 obyektin, o cümlədən 8 infrastruktur, 70 sosial, 6 hüquq-mühafizə orqanları ilə bağlı və 4 digər təyinatlı obyektin istismara verilməsi planlaşdırılır: "2018-ci il üçün DİP 9 mlrd. 40,6 mln. manat məbləğində qiymətləndirilir. Proqram dövlət büdcəsinin, Azərbaycan Dövlət Neft Fondunun vəsaitləri və xarici kreditlər hesabına maliyyələşdiriləcək. Gələn il dövlət büdcəsindən 4 mlrd. 874,2 mln. manat investisiya təyinatlı layihələrə yönəldiləcək”.
