Bu gün bank sektorunda TOP-menecmentdə çalışan insanların əksəriyyətinin orta aylıq əməkhaqqı 8-10 min manatdan çoxdur. Bu rəqəm beynəlxalq bazarlardakı əməkhaqqı ilə müqayisə oluna biləcək səviyyədədir”.
Mynews.az xəbər verir ki, bunu “Tələb işəgötürənlərdən, təklif UNEC-dən” adlı konfransda çıxışı zamanı Azərbaycan Banklar Assosiasiyasının sədriZakir Nuriyev deyib.
Onun sözlərinə görə, bu gün bank sektoru Azərbaycanda ən yüksək əməkhaqqı verən qruplar arasındadır. “Buna baxmayaraq, adi ixtisaslar, məsələn, mühasiblər, informasiya texnologiyaları sahəsi üzrə mütəxəssislərə bank sektorunda böyük ehtiyac var. Bu ixtisasa sahib olan insanları biz əmək bazarından əldə edə bilmirik. Belə ixtisasların tələbləri dəyişməz qaldığı üçün biz bu istiqamətə diqqəti gücləndirməliyik.
