Bu il qaz sərfiyatında limiti keçən vətəndaşlara yanvarın 1-də yenidən limit veriləcək.
Limiti keçmiş abonentlər yeni ildən hər kubmetr qaz üçün 20 qəpik əvəzinə 10 qəpik ödəyəcəklər.
Məsələ ilə bağlı Metbuat.az-a açıqlama verən "Azəriqaz” İstehsalat Birliyinin mətbuat katibi İbrahim Kərbəlayi bildirib ki, Tarif Şurasının 22 dekabr, 2016-cı il 19 nömrəli qərarına əsasən, il ərzində istehlakçılara verilən 1700 kubmetr təbii qazın hər kubmetri 10 qəpiklə, 1700 kubmetrdən çox istifadə olunan qazın hər kubmetri 20 qəpiklə hesablanır:
“1700 kubmetr il ərzində verilən limitdir. Limiti aşan vətəndaşlar artıq 2018-ci ilin yanvar ayının 1-dən etibarən istifadə etdikləri hər kubmetr qaza görə 10 ödəyəcəklər. 1700 kubmetr limitini keçərlərsə, hər kubmetr qaz 20 qəpikdən hesablanacaq. Tarif Şurasının qərarında bu il heç bir dəyişiklik yoxdur”.
