Milli Məclisin (MM) payız sessiyasında 2017-ci ildə keçiriləcək son plenar iclasının gündəliyində dəyişiklik edilib.
Mynews.az APA-ya istinadən xəbər verir ki, gündəliyə daha 2 məsələ əlavə olunub. Bununla da, gündəlikdəki məsələlərin sayı 19-a çatıb.
Əlavə olunan məsələlər “Azərbaycan Respublikası Silahlı Qüvvələri taqımlarının Türkiyə Cümhuriyyəti Silahlı Qüvvələrinin taburu tərkibində və NATO strukturlarının ümumi komandanlığı altında Əfqanıstanda yerləşdirilməsinə və müvafiq əməliyyatlarda iştirak etməsinə razılıq verilməsi haqqında” Milli Məclisin 2002-ci il 15 noyabr tarixli Qərarında dəyişikliklər edilməsi barədə sənəd və bankların fəaliyyəti ilə bağlı qanunvericiliyə dəyişiklikdir.
Qeyd edək ki, gündəliyə eyni zamanda yenidən hazırlanan “Azərbaycan Respublikasının Silahlı Qüvvələri haqqında” qanun layihəsi üçüncü oxunuşda, Azərbaycanla bir sıra ölkələr arasında imzalanan sənədlərin ratifikasiyası, Gömrük, Miqrasiya məcəllələrinə, “Turizm haqqında”, “Yol hərəkəti haqqında”, “Dövlət qulluğu haqqında” və sair qanunlara dəyişikliklər, o cümlədən Dünya Azərbaycanlılarının Həmrəylik günü ilə bağlı Milli Məclisin müraciət də daxildir.
