Beynəlxalq Əmək Təşkilatının “Dünyada Məşğulluq və Sosial Gözləntilər: 2018-ci ilin trendləri” hesabatına əsasən 2016-cı ildəki yüksəlişdən sonra qlobal işsizlik nisbəti sabitləşib.
Mynews.az Beynəlxalq Əmək Təşkilatına istinadən verir ki, 2017-ci ildə işsizlərin ümumi sayının 192 milyonu keçərək 5,6 faiz səviyyəsinə çatması gözlənilir.
2017-ci ildə iqtisadi artımın gözləntilərdən yüksək olmasına baxmayaraq, uzun müddətli qlobal iqtisadi perspektlivləri mötədildir (orta-səviyyəlidir).
Hesabata görə 2017-2018-ci ildəki müsbət tendensiya, inkişaf etməkdə olan ölkələrdə əmək birjalarının güclənməsi hesabına baş verəcək. Söhbət o ölkələrdən gedir ki, həmin ölkələrdə işsizik səviyyəsi 0.2 faiz azalaraq, 2018-ci ildə 5.5 faizə yəni böhrandan əvvəlki səviyyəyə enəcəyi proqnozlaşdırılır.
Hesabatda eyni zamanda qeyd olunur ki, qeyri-stabil (qeyri-sabit) məşğulluğun ixtisarı ilə bağlı keçmişdə böyük irəliləyiş əldə olunsa da 2012-ci ildən etibarən bu istiqamətdə durğunluq müşahidə edilir. Bu o deməkdir ki, 2017-ci ildə təxminən 1.4 milyard insan qeyri-sabit məşğulluq sahəsində çalışır və 2019-cu ilə kimi isə bu saya daha 35 milyon nəfərin əlavə olunacağı proqnozlaşdırılır. İnkişaf etməkdə olan ölkələrdə hər dörd işçidən üçü qeyri-stabil məşğulluq sahələrində çalışır.
Hesabatda əsas nikbin məqam, inkişaf etməkdə olan ölkələrdə işçilər arasında yoxsulluq səviyyəsinin aşağı düşməyə davam etməsidir. Kəskin yoxsulluqdan əziyyət çəkən işçilərin isə 2018-ci ildə 176 milyon nəfər təşkil edəcəyi proqnozlaşdırılır, bu dünyada işləyən bütün insanların 7.2 faizini təşkil edir.
