Azərbaycan Mərkəzi Bankı (AMB) tərəfindən vəsaitlərin cəlb edilməsi üzrə növbəti depozit hərracı elan edilib.
Mynews.az xəbər verir ki, Mərkəzi Bank 3 mart 2017-ci il tarixində keçiriləcək hərracda 200 milyon (iki yüz milyon) manat cəlb etməyi planlaşdırır.
Müddət 14 gün, faiz dərəcəsi 12,01%-14,99% təşkil edir.
Xatırladaq ki, 27 fevral 2017-ci il tarixində Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 196,5 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 14,73% təşkil etmişdi.
