Bakıda şəhər mərkəzində hündürmərtəbli binaların tikintisinə qadağa qoyulmalıdır.
Mynews.az xəbər verir ki, bu təkliflə deputat Azər Badamov Milli Məclisin bu gün keçirilən iclasında çıxış edib.
O bildirib ki, belə bir hal beynəlxalq praktikada da mövcuddur: "Hündürmərtəbəli binaların şəhərin mərkəzində tikintisi həm tıxacların yaranmasına gətirib çıxarır, həm də digər problemlərə yol açır. Odur ki, belə binaların tikintisinə qadağa qoyulsa daha yaxşı olar".
Deputat hesab edir ki, bunun əvəzində şəhərin kənarında yeni yaşayış massivləri salına bilər: "Bu, eyni zamanda tıxacların aradan qaldırlmasına kömək edər".
