İngiltərə ikitərəfli casus Sergey Sripal və qızı Yuliyanın zəhərlənməsindən sonra ölkəsində yaşamaq icazəsi olan 700 nəfər rusiyalı iş adamı ilə bağlı araşdırma aparacaq.
Mynews.az xəbər verir ki, Böyük Britaniyanın daxili işlər naziri Amber Rudd bu şəxslərin sərvətlərini hansı yollarla etdiklərini araşdıracaqlarını bəyan edib.
Nazir əldə edilən nəticələr əsasında hansı addımların atılacağını açıqlamayıb.
Qeyd edək ki, İngiltərinin viza siyasətinə görə, rusiyalı milyaderlər ölkəyə iki milyon sterlinq investisiya yatıraraq “sərmayəçi vizası” alıblar.
Xatırladaq ki, 2015-ci ildə bu vizanı alanlarla bağlı araşdırma aparılmışdı. Qaydalar sərtləşdirildikdən sonra müraciət edənlərin sayı 86 faiz azalmışdı.
