2016-cı ildə Azərbaycanda 41 milyon 29,5 min ton xam neft (qaz kondensatı daxil olmaqla) və 29 milyard 331,3 milyon kubmetr təbii qaz hasil olunub. Həmin qazın 18 milyard 714,7 milyon kubmetrini əmtəəlik təbii qaz təşkil edib.
Mynews.az-ın verdiyi məlumata görə, keçən il ölkədə neft hasilatı 1,4 faiz, qaz hasilatı isə 3,9 faiz azalıb. Ötən il Azərbaycanın mədənçıxarma sənayesində istehsalın ümumi dəyəri 21,1 milyard manat olmaqla 2015-ci ilin müvafiq dövrünə nisbətdə 0,7 faiz azalıb.
