Bakıda Beynəlxalq Xəzər Neft və Qaz konfransı keçirilir

İqtisadiyyat

09:45 30.05.2018

Bakıda “Xəzər Neft və Qaz-2018” 25-ci Yubiley Beynəlxalq konfransı öz işinə başlayıb.

Mynews.az-ın məlumatına görə, konfrans iki gün davam edəcək.

Tədbirdə “Neft və qaz sənayesində qlobal və iqtisadi perspektivlər. Neftin qiyməti və böhran şəraitində mövcud olan imkanlar” və “Son 25 ildə Xəzər dənizinin Azərbaycan sektorunda həyata keçirilən neft-qaz əməliyyatları: Keçmişi, bu günü və gələcəyi. Azərbaycan neft və qaz sənayesi üçün yeni impuls” mövzusunda çıxışlar gözlənilir.

Konfransın üçüncü hissəsində “Neft və qaz layihələrinin maliyyələşdirilməsi və yatırılan investisiyalar müqabilində xalis gəlirin təmin edilməsi – iddialar və imkanlar” mövzusunda məruzələr səslənəcək.

Tədbir daha sonra “Xəzər Neft və Qaz-2018” 25-ci Yubiley Beynəlxalq konfransı “Yerli geoloji kəşfiyyatın elm sahəsi kimi inkişafının əsas prioritetləri və beynəlxalq əməkdaşlıq imkanları” və “Neft yatağının işlənməsində texnoloji irəliləyişlər” paneli ilə davam edəcək.