Cari ilin ikinci rübündə SOCAR üzrə neft hasilatı birinci rüblə müqayisədə 3,6 faiz artaraq, 1,9 milyon tona yüksəlib.
Mynews.az şirkətə istinadən xəbər verir ki, qaz hasilatı isə 5,29 faiz artaraq, 1,66 mlrd. kub metrə çatıb.
Altı ay ərzində SOCAR üzrə 3,7 milyon ton neft 3,2 mlrd. kub metr qaz hasil olunub. Ümumilikdə ölkə üzrə 2018-ci ilin altı ayı ərzində 19,38 mln. ton neft, 14,36 mlrd. kub metr qaz hasil edilib.
Bu da ötən ilin müvafiq dövrü ilə müqayisədə neft hasilatında 1,2%, qaz hasilatında isə 3,1% artım deməkdir.
