Dövlət Neft Fondu (ARDNF) 2018-ci ilin avqust ayı ərzində hərraclarda satılan dolların həcmini açıqlayıb.
Fonddan Mynews.az-a verilən məlumata görə, ötən ay hərraclar vasitəsilə 733,7 milyon dollar realizə edilib.
Qeyd edək ki, iyul ayında fondun valyuta satışı 536,6 milyon dollar olub. Bu da avqustda hərraca iyul ayındakından 197,1 milyon dollar artıq dolların satışa çıxarılması deməkdir.
Cari ildə valyuta satışını artıran ARDNF tərəfindən valyuta hərraclarında ilin əvvəlindən 4 milyard 244 milyon dollar məbləğində xarici valyuta realizə edilib.
