Azərbaycanda bir dollar niyə fantastik qiymətə satılır? - AÇIQLAMA

Son günlər ölkəmizdə 1 dollarlıq əsginasların elan saytlarında və sosial şəbəkələrdə kütləvi satışa çıxarılması il bağlı elanlara rast gəlmək mümkündür. Elanlarda 2013-cü ildə tədavülə buraxılmış bir dolların 100, 1000, 3000 manata satın alınacağı təklif olunur.
Bəzi iddialara görə, həmin əsginasların kütləvi satışa çıxarılmasına səbəb məşhur iş adamı İlon Maskın "Twitter"dəki paylaşımı olub. O, 2013-cü ildə tədavülə buraxılmış bir dolları məşhur kriptovalyuta olan bitkoinlə dəyişəcəyini bildirib.
Məsələ ilə bağlı iqtisadçı-ekspert Xalid Kazımlı Trend-ə bildirib ki, bir dolların dəyərindən baha satılması heç bir iqtisadi əsasa söykənmir.
Onun sözlərinə görə, ABŞ Mərkəzi Bankının 2013-cü ildə tədavülə buraxdığı bir dollarların baha satılması barədə heç bir qərarı yoxdur. Bir dolların dəyərindən baha satılması daha çox dələduzluq meyillərinə hesablanıb. İlon Maskın "Twitter"dəki paylaşımını səbəb gətirirlər. Həmin ildə "dogecoin" adlanan kriptovalyuta buraxılmışdı. Buraxıldığı zamanlarda buna "zarafat" kriptovalyutası deyirdilər. Lakin İlon Mask bu kriptovalyuta ilə bağlı çoxlu tvitlər paylaşırdı və inandığını bildirirdi. Nəticədə, "dogecoin" 2021-ci ildə kapitalizasiyasına görə beşinci ən böyük kriptovalyutaya çevrilmişdi. 2013-cü ildə tədavülə buraxılan bir dolları alanlar ehtiyatlı olmalıdırlar. Onlar bilməlidirlər ki, bir dollarları rəzmi məzənnədən (hazırda 1,70 AZN) baha dəyişə bilməyəcəklər", - deyə ekspert bildirib.
İqtisadiyyat
- Manat və lirənin məzənnəsi: Rubl bahalaşdı, avro ucuzlaşdı
- Azərbaycan nefti BAHALAŞIB
- Dollarda bahalaşma davam edir - Məzənnə rekord səviyyəyə yüksəlib
- Dollar bahalaşır, avro ucuzlaşır – Manat necə olacaq?
- Milli brend “Təbio” təqdim edildi! - FOTOLAR
- Azərbaycanda bir dollar niyə fantastik qiymətə satılır? - AÇIQLAMA
Sizin üçün seçdik
İndi oxunanlar
Həftənin hitləri
- Azərbaycanda xüsusi karantin rejimi ilə bağlı QƏRAR VERİLDİ 1056 dəfə oxunub
- Kəmalə Paşayeva: “Deputat Qənirə Paşayevanın vəziyyəti stabil-ağır olaraq qalır” 1030 dəfə oxunub
- Qənirə Paşayevanın son durumu AÇIQLANDI 1021 dəfə oxunub
- “Nar”ın bölgələr üçün “Yerlim+” tarifi ikiqat sərfəli oldu! 1019 dəfə oxunub
- Bakıda marşrut avtobusu ağır qəza törətdi - Ölənlər var 1015 dəfə oxunub