Dollarda bahalaşma davam edir - Məzənnə rekord səviyyəyə yüksəlib

10:39 05.09.2022

İqtisadiyyat

ABŞ dollarında 2022-ci ilin aprelindən müşahidə edilən yeni bahalaşma dalğası hələ də davam edir.

Mynews.az xəbər verir ki, dolların aparıcı 6 valyutaya qarşı orta məzənnə dəyərini ifadə edən dollar İndeksi bu gün 110 səviyyəsini keçib.

Dörd ay əvvəl indeks 98 səviyyəsində idi. Ötən müddətdə ABŞ dollarının aparıcı valyutalara qarşı orta dəyərinin 12 faizdən çox yüksəlməsi qeydı alınıb.

Dollardakı bahalaşma ABŞ-da yüksək inflyasiyaya qarşı mərkəzi bankın (FED) sərt pul-kredit siyasəti yürütməsidir. FED rəsmiləri bəyan edib ki, yüksək inflyasiyanı cilovlamaq üçün uçot dərəcəsini davamlı artıracaqlar. Hazırda 2,25-2,5 səviyyəsində olan uçot dərəcəsinin sentyabrın 20-21-də keçiriləcək növbəti iclasda 2,75-3 həddinə qaldırılacağı güman olunur. İnflyasiya səviyyəsinin enməyəcəyi təqdirdə dərəcənin 3,75-ə qədər artırılacağı proqnozlaşdırılır.

Uçot dərəcəsinin artması ilə paralel olaraq FED dövriyyədə olan dolların miqdarını da azaldır.

Hər iki dəyişiklik isə dolların bahalaşmasına səbəb olur.

MƏNİM XƏBƏRLƏRİM

İqtisadiyyat

Sizin üçün seçdik

İndi oxunanlar

Həftənin hitləri

Mynews.az