“Türk axını”na hücum oldu - Rusiya

İqtisadiyyat

13:07 13.01.2025

Moskva Kiyevi Avropa ölkələrinə təbii qaz nəqlini kəsmək cəhdində ittiham edib. Rusiya hərbçiləri “Türk axını” boru kəməri ilə qaz tədarük edən Qay-Kodzorda (Krasnodar diyarı, Rusiya) “Russkaya” kompressor stansiyasına doqquz pilotsuz təyyarənin hücumunu dəf edib. Bu barədə bazar ertəsi, yanvarın 13-də Rusiya Müdafiə Nazirliyi məlumat yayıb.

Hücumun yanvarın 11-də baş verdiyi bildirilir. Moskva Kiyevi guya Avropa ölkələrinə qaz nəqlini kəsmək cəhdində ittiham edib.

Kompressor stansiyasının texniki işçiləri arasında itki və dağıntı olmayıb. Bir PUA-dan parçaların düşməsi nəticəsində “Russkaya CS”nin ərazisindəki qazölçmə məntəqəsinin binasına və avadanlıqlarına cüzi ziyan dəyib. “Qazprom” PAO-nun fövqəladə hallar qrupları tez bir zamanda düşən parçaların nəticələrini aradan qaldırıb və texnikanı bərpa ediblər”, - Rusiya Müdafiə Nazirliyinin açıqlamasında deyilir.

Qeyd olunur ki, “Türk axını” ilə qaz təchizatı normal şəkildə davam edir.

Bundan əvvəl ruslar yanvarın 11-nə keçən gecə kütləvi dron hücumundan şikayət etmişdilər. İddialara görə, onlar 85 PUA-nı vurublar, onlardan 16-sı Krasnodar diyarı ərazisində olub.