Gəncə şəhərində ağır yol-nəqliyyat hadisəsi baş verib.
Mynews.az Report-a istinadən xəbər verir ki, Gəncə şəhər sakini, 1983-cü il təvəllüdlü Amin Nüsrət oğlu Əliyev idarə etdiyi “VAZ-2107” markalı avtomobillə Daşkəsən rayon sakini, 1972-ci il təvəllüdlü İsa Əli oğlu Verdiyevin idarə etdiyi “VAZ-21011” markalı avtomobillə toqquşub.
Avtomobillərin toqquşması nəticəsində dörd nəfər yaralanıb.
Yaralılar:
Daşkəsən rayon sakini, 1972-ci il təvəllüdlü İsa Əli oğlu Verdiyev;
Gəncə şəhər sakini, 1983-cü il təvəllüdlü Amin Nüsrət oğlu Əliyev;
Daşkəsən rayon sakini, 1979-cu il təvəllüdlü İlqar Məhəmməd oğlu Verdiyev;
Daşkəsən rayon sakini, 1978-ci il təvəllüdlü Qorxmaz Xasməmməd oğlu Salmanovdur.
Onlardan üçü Gəncə Şəhər Təcili Tibbi Yardım Xəstəxanasına, digərinin vəziyyəti ağır olduğundan Gəncədəki özəl xəstəxanaların birinə aparılıb.
Hadisənin başvermə səbəbləri araşdırılır.
