İstanbulun Bahçelievler rayonunda bir nəfəri öldürən və beş nəfəri yaralayan kişi saxlanılıb.
Mynews.az xəbər verir ki, bu barədə “Milliyet”ə istinadən haqiin.az məlumat yayıb.
Rayonun təhlükəsizlik xidməti əməkdaşları, bacısı ilə dalaşdıqdan sonra küçəyə çıxaraq yoldan keçənlərə atəş açan cinayətkarı tərk-silah ediblər.
Hadisə aprelin 13-də baş verib, həmin gün cinayətkar Azərbaycan vətəndaşını öldürüb və beş Türkiyə vətəndaşını isə yaralayıb.
İstintaq zamanı müəyyən edilib ki, qatil yeddi qarət, altı yaralama hadisəsinə, silah saxlamaqda və digər cinayətlərə aidiyyəti var.
