Bu gün Bakıda Məsud Davudoğlu küçəsində yol-nəqliyyat hadisəsi baş verib.
Mynews.az Oxu.Az-a istinadən xəbər verir ki, bu barədə məlumatı jurnalist Əzizə İsmayılova sosial şəbəkədə paylaşıb.
O bildirib ki, “Hundai” markalı avtomobil Azadlıq prospektinə dönmək üçün həmin ərazidə yerləşən dairəyə sürətlə girib.
Nəticədə “Mercedes” markalı avtomobillə toqquşub:
“Avtomobildə qabaqda oturan sərnişin xanım kəmər bağlamadığı üçün yaralanıb. Təcili yardım maşını ilə xəstəxanaya aparıldı. Dediyinə görə, imtahana tələsirmiş”.
