Bakının Nərimanov rayonunda sərnişin avtobusunda bədbəxt hadisə baş verib.
Hadisə 24 saylı marşrut xətti üzrə hərəkət edən avtobusda qeydə alınıb.
Mynews.az Report.az-a istinadən xəbər verir ki, Keşlə bazarı yaxınlığında ikən sürücünün qəfil əyləcə basması nəticəsində avtobusda olan sərnişinlərdən biri, 1995-ci il təvəllüdlü Salmanova Nərmin İlham qızı arxasıüstə yıxılıb və onun bel nahiyəsi arxa oturacağa dəyərək qırılıb. Xəsarət alan şəxs xəstəxanaya yerləşdirilib.
Faktla bağlı Nərimanov Rayon Polis İdarəsində araşdırma aparılır.
