Azərbaycandan olan döyüşçü Suriyada öldürülüb.
Mynews.az cebhe.info-ya istinadən xəbər verir ki, bu barədə Türkiyədə yaşayan azərbaycanlı jurnalist Furkan Azəri yazıb.
Öldürülən şəxsin adı Ənvərdir. Jurnalist onun əslən Bakıdan olduğunu yazıb. Ənvər Suriyada "Celal Ekrat" adlı müxalif qruplaşmaya qoşulub və Əsəd rejiminə qarşı mübarizə aparıb. O, Türkmən dağı ətrafında hakimiyyət qüvvələri ilə döyüşdə öldürülüb.
F.Azərinin bu məlumatına şərh yazan Xıdır Rzaquliyev adlı şəxs onun qonşusu olduğunu bildirib. O, düzəliş edərək Ənvərin Bakıdan deyil, Sumqayıtdan olduğunu qeyd edib.
