Dünən Bakıda baş vermiş yol qəzasında vəfat edən şəxsin adı müəyyənləşib. Lent.azxəbər verir ki, iyunun 9-da saat 11 radələrində Qaradağ rayonunun Qızıldaş qəsəbəsində Abşeron rayon sakini Nurlan Abdullayev idarə etdiyi “Mercedes” markal avtomobili yol ayırıcısına vurub. Nəticədə onun sərnişinlərindən həmyerlisi, 24 yaşlı Sadiq Məsiyev hadisə yerində ölüb.
Baş İstintaq və Təhqiqat İdarəsi tərəfindən araşdırma aparılır.
*****
11:16
Bakıda ağır yol qəzası baş verib. Lent.az xəbər verir ki, Bakı-Ələt magistralının 29-cu kilometrliyində - Yol Patrul Xidmətinin Qaradağ postunun yaxınlığında 01 BU 120 dövlət qeydiyyat nişanlı "Mercedes" qəzaya uğrayıb. Avtomobilin idarəetmədən çıxaraq yolun ortasındakı metal çəpərlərə çırpılması nəticəsində 1 nəfər ölüb, 3 nəfər isə ağır xəsarət alıb. Ölən və yaralananların hamısı gənc oğlanlardır.
Faktla bağlı araşdırma aparılır.
