"Son zəng" günü məzunlar AĞIR QƏZA keçirdi Yaralılar var

Hadisə

18:48 14.06.2017

Ucar rayonunda yol qəzasında xəsarət alan məzunların adları məlum olub.

Göyçay rayon sakini, 1995-cü il təvəllüdlü Namiq Alik oğlu Məmmədov kirayə götürdüyü avtomobillə hərəkətdə olan zaman idarəetməni itirib və yolun kənarında olan "Mercedes" markalı avtomobilə çırpılıb.
Nəticədə sürücü və avtomobildə olan sərnişinlər - Göyçay şəhər 7 saylı orta məktəbin XI sinif şagirdləri, 2000-ci il təvəllüdlü Fərhad Siyavuş oğlu Əhmədov və 1999-cu il təvəllüdlü İlham Ceyhun oğlu Əhmədov xəsarət alıblar.

16:09

Ucar rayonunda orta məktəb məzunları yol qəzasına düşüb, xəsarət alanlar var.
Hadisə bu gün 15:30 radələrinə şəhərin mərkəzində qeydə alınıb.
Hadisə şahidlərinin sözlərinə görə, qəza zamanı minik maşınlarında sürücü və sərnişinlər - XI sinif şagirdləri olub. Onlar müxtəlif dərəcəli bədən xəsarətləri alıblar. Yaralılar Ucar Rayon Mərkəzi Xəstəxanasına yerləşdirilib.
Hazırda əsarət alanların şəxsiyyəti təqiqləşdirilir.
Faktla bağlı Ucar Rayon Polis Şöbəsində araşdırma aparılır.

report