Şəkidə 8 yaşlı oğlan istirahət mərkəzinin hovuzunda yıxılıb.
Mynews.az APA-ya istinadən xəbər verir ki, dünən axşam saatlarında 2009-cu il təvəllüdlü Əzizli Ayxan Qurban oğlu bilinməyən səbəbdən “Marxal” istirahət mərkəzinin hovuzuna yıxılıb.
Hadisədən sonra 8 yaşlı Ayxan Əzizli Şəki Mərkəzi Rayon Xəstəxanasına (MRX) aparılıb.
Şəki MRX-dan bildirilib ki, epilepsiya xəstəliyindən əziyyət çəkən Ayxan Əzizliyə sudaboğulma diaqnozu qoyulub. Komatoz halda olan Ayxan Əzizlinin müalicəsi xəstəxananın reanimasiya şöbəsində aparılır, vəziyyəti ağır qiymətləndirilir.
Faktla bağlı araşdırma aparılır.
