Bakı-Şamaxı-Yevlax avtomobil yolunun 105-ci km-də, Şamaxı rayonunda da yol qəzası qeydə alınıb.
Mynews.az ARB TV-yə istinadən xəbər verir ki, Xaçmaz rayon sakini, 54 yaşlı Zülfüqar Baratov "Daewoo" markalı avtomobillə hərəkətdə olarkən idarəetməni itirib.
Nəticədə qarşı yola çıxaraq 2 avtomobillə toqquşub. Qəza nəticəsində "Daewoo"nun sərnişinləri 13 yaşlı Rövşən Yusifov, 27 yaşlı İradə Mustafa və 61 yaşlı Məhərrəm Mustafa müxtəlif bədən xəsarətləri alıblar.
Nicat Hüseynov - Sürücü: "Bakı istiqamətinə gedirdim. Gördüm ki, ağ maşın ildırım sürəti ilə gəlir. Vurdu onu. Mən nə qədər qaçırtdım, yenə də gəldi vurdu".
Yaralılar Şamaxı Mərkəzi Rayon Xəstəxanasına yerləşdiriliblər.
