“Zaman” Teatrının direktoru bədii rəhbəri Hacı Nizami Mirsalayev vəfat edib.
Mynews.az “Report”a istinadən xəbər verir ki, o, uzun sürən xəstəlikdən sonra bu gün dünyasını dəyişib.
Qeyd edək ki, Hacı Nizami Mirsalayev 1957-ci ildə Lənkəranda dünyaya gəlib. Orta məktəbi orada tamamlayıb. Bakı şəhərində İncəsənət Universitetini bitirdikdən sonra Musiqili Komediya Teatrında uzun illər fəaliyyət göstərib. Sonradan 2000-ci ilin yanvar ayından teatrda fəaliyyətə başlayıb, “Zaman” Teatrında bədii rəhbər vəzifəsində olub. Nizami Mirsalayev Xalq artisti Arif Quliyevin satira teatrında onunla birgə səhnəni bölüşməsi ilə də tanınıb.
