Bakıda maraqlı oğurluq hadisəsi baş verib.
Mynews.az lent.az-a istinadən xəbər verir ki, Özbəkistan vətəndaşı, əslən azərbaycanlı olan Həsənov İlqar Aydın oğluna məxsus “Hyundai Sonata” markalı avtomobildə Nəsimi rayonu Cavadxan küçəsi 10 ünvanının qarşısında nasazlıq yaranıb. Bu zaman sürücü yolun kənarındakı şəxsi köməyə çağırıb. Həmin şəxs guya sürücüyə yardım göstərərkən maşının pəncərəsinin açıq olmasından istifadə edərək salondakı mobil telefonu götürərək uzaqlaşıb.
İ.Həsənov oğurluq etmiş şəxsin tutularaq məsuliyyətə cəlb edilməsini xahiş edib.
Araşdırma aparılır.
