Yasamalda güclü yanğın - 4 nəfər zəhərləndi

10:49 18.01.2017

Hadisə

Bakıda yaşayış binasında baş verən yanğında bir ailənin 4 üzvü tüstüdən zəhərlənib

APA-nın məlumatına görə, tüstüdən zəhərlənənlər - 1976-cı il təvəllüdlü Nərmin Məmmədova, onun qızı 2009-cu il təvəllüdlü Leyla Məmmədova, qohumları - 1984-cü il təvəllüdlü Səidə Nurəliyeva və 1987-ci il təvəllüdlü Günel Tahirova xəstəxanaya yerləşdiriliblər.

Onlardan S. Nurəliyeva və G. Tahirova evə buraxılıb.

Ana və qızının vəziyyəti isə orta-ağırdır.

***
09:01

Yasamal rayonunda yaşayış binasında yanğın olub.

Fövqəladə Hallar Nazirliyindən BakiPost.az-a verilən məlumata görə, Bakı şəhəri, Yasamal rayonunda altımərtəbəli yaşayış binasının 3-cü mərtəbəsində yaşayan vətəndaşa məxsus ümumi sahəsi 85 m2 olan 3 otaqlı mənzilin 1 otağının, dəhlizin və eyvanının yanar konstruksiyaları 46 m2 sahədə yanıb, 2 otaq 22 m2 sahədə qarsalanıb.

4-cü mərtəbədə yaşayan vətəndaşa məxsus ümumi sahəsi 90 m2 olan 3 otaqlı mənzilin eyvanında yüksək temperaturdan lambirdən ibarət məhəccər 2 m2 sahədə əriyib. Yanğın zamanı yanğınsöndürənlər tərəfindən 3-cü mərtəbədə yaşayan 2 nəfər xilas olunaraq aidiyyəti üzrə təhvil verilib.

Mənzilin qalan hissəsi və qonşu mənzillər yanğından mühafizə olunub. Yanğın saat 03:35-də yanğınsöndürənlər tərəfindən söndürülüb.

MƏNİM XƏBƏRLƏRİM

Hadisə

Sizin üçün seçdik

İndi oxunanlar

Həftənin hitləri

Mynews.az