Abşeron rayonunun Mehdiabad qəsəbəsindəki yeni yaşayış sahəsində evlərdən birində təbii qaz sızması nəticəsində yanğına keçən partlayış baş verib.
Mynews.az Daxili İşlər Nazirliyinin ( DİN ) saytına istinadən məlumatına görə, dünən saat 10 radələrində həmin ərazidə yaşayan Təvəkkül Məmmədovun evində təbii qaz sızmasından yanğına keçən partlayış baş verib.
Hadisə nəticəsində dağıntı olmayıb, evin 20 kvm. sahəsində yanar konstruksiyalar yanıb. Yanğın zamanı yanıq xəsarətləri alan ev sahibi və qonağı, Bakı şəhər sakini İlham Kərimov xəstəxanaya yerləşdiriliblər.
