Azərbaycan toylarından birində meyxanaçının dediyi sözlərin yanlış anlaşılması qalmaqala səbəb olub.
Məclislərdən birində tanınmış meyxanaçılar - Mehman Əhmədli, Mahir Cürət, Aydın Xırdalanlı, Elşən Xəzər və Rəşad Dağlı "Bayaqdandır əntiqə meydan gedir, indi başlayır ikinci seriya" qafiyəsi ətrafında deyişməyə başlayıblar. Bu zaman Mehman Əhmədlinin Rəşad Dağlının ünvanına "Rəşad, dağlı boyunu yerə soxum mən, hər gecə "trasdadır" parferiya" cümlələrini işlətməsi məclisdəkilərdən birinin ciddi narazılığına səbəb olub və o, yerindən qalxaraq meyxanaçının yanına gəlib, onu vurmağa cəhd edib. Ətrafdakılar həmin kişini sakitləşdirməyə çalışdığı zaman Mehman Əhmədli Rəşadı göstərərək söhbətin dağlılardan deyil, məhz ondan getdiyini qeyd edib.
Həmin görüntüləri təqdim edirik:
GoldNews.Az
