Bakıda soyğunçuluq hadisəsi baş verib.
Mynews.az lent.az-a istinadən xəbər verir ki, Oman vətəndaşı Abdulla Naseer Əlhadabi polisə mürciət edərək bildirib ki, Nəsimi rayonu Şamil Əzizbəyov küçəsində Murad adlı şəxs onu soyub. Şikayətçinin sözlərinə görə, həmin küçədə Murad ondan pul istəyib. Bakıya turist kimi gəlmiş Oman vətəndaşı pul qabını cibindən çıxaran kimi həmin şəxs onun əlindən pul qapını alaraq qaçıb.
Müraciət əsasında araşdırma aparılır.
Nəsimi RPİ 22-ci PB əməkdaşlarının keçirdikləri əməliyyat-axtarış tədbirləri nəticəsində turistin içərisində 70 manatı, bankomat kartları, sürücülük və şəxsiyyət vəsiqələri olan pulqabısını açıq talama yolu ilə almaqda şübhəli bilinən Neftçala rayon sakini Murad Qasımov tutulub.
