Faciə o gözəllik salonundan qayıdanda baş verib
23 yaşlı gəlin öz toy günü öldü. Mynews.az İstiPress-a istinadən verdiyi məlumatına görə, hadisə Başqırdıstanda baş verib. Aygül Kərimovanın toyu avqust ayının 5-nə təyin edilib. Əslində bu gün onun həyatının ən xoş günü olmalı idi…
Gözəllik salonundan çıxan gənc qızın olduğu maşın qəzaya uğrayıb. O, toyun keçirləcəyi yerə getmək üçün özü sükan arxasında əyləşib.
Gənc qızın içində olduğu avtomobil ötməyə çalışan başqa bir maşınla toqquşub. Nəticədə yolda zəncirvari qəza baş verib.
Aygül aldığı xəsarətlərdən hadisə yerindəcə ölüb. Toya hazırlaşan ailə yas çadırı qurmalı olub. Qəza zamanı ötmə manevrini yanlış edən maşının sürücü yaralanıb. Üçüncü maşını idarə edən şəxs isə hadisə yerindən qaçıb.
