Qazax rayonda 82 yaşlı kişinin intihar etməsinin səbəbləri məlum olub

Qazaxda 82 yaşlı kişinin itihar etməsinin səbəbləri məlum olub.
"Report"un Qərb bürosunun məlumatına görə, Ağköynək kənd sakini olan, 1935-ci il təvəllüdlü Nəriman Tapdıq oğlu İsmayılov uzun müddətdiki xərcəng xəstəliyindən əziyyət çəkirmiş. Son günlərdə bədənində kəskin ağrılar və şişkinliklər
yaranıb. Bunlara dözməyən 82 yaşlı kişi özünü yaşadığı evin həyətində tut ağacından asaraq intihar edib. Ahıl kişinin cansız cəsədi yaxınları tərəfindən aşkarlanıb. Dərhal hadisə yerinə təcili tibbi yardım və hüquq mühafizə orqanları çağrılıb və cəsəd ekspertizaya aparlıb.
Faktla bağlı Qazax rayon Prokurorluğunda cinayət işi açılıb, araşdırma aparılır.