Göyçay rayonunda qətl hadisəsi baş verib.
Mynews.az Trend-ə istinadən xəbər verir ki, hadisə avqustun 20-də gecə saatlarında qeydə alınıb. Şəhər sakini, 1992-ci il təvəllüdlü Pərviz Şahin oğlu Abdurrəhmanov baldızının nişanlısı, 1989-cu il təvəllüdlü Müşviq Nizami oğlu Əkbərovla mübahisə edib. Mübahisə davaya çevrilib və P.Abdurrəhmanov M.Əkbərovu bıçaqlayıb. M.Əkbərov hadisə yerində dünyasını dəyişib.
Göyçay rayon hüquq-mühafizə orqanları əməkdaşlarının keçirdikləri əməliyyat tədbirləri nəticəsində qətli törədən P.Abdurrəhmanov saxlanılıb.
Faktla bağlı Göyçay rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
