USD 1.70
EUR 1,8441
RUB 0.0175
BREND 78.91
Bakı
7°

Tibb işçisi 80-dən çox xəstəni öldürüb

Hadisə
15:22 28.08.2017
Tibb işçisi 80-dən çox xəstəni öldürüb

Hadisə

15:22 28.08.2017

Almaniyada tibb işçisi (tibb qardaşı) 80-dən artıq insanın ölümündə şübhəli bilinir.

Mynews.az Trend-ə istinadən bildirir ki, bundan əvvəl tibb işçisi Nils Heyqel iki xəstənin öldürülməsi ittihamı ilə mühakimə edilib və 2015-ci ilin fevralında ömürlük azadlıqdan məhrum edilib.

N.Heyqel bəyan edib ki, Delmenhorst və Oldenburq şəhərlərində yerləşən xəstəxanalarda reanimasiya şöbələrində 90-a qədər xəstəni dozadan xeyli artıq dərman verərək öldürüb.

Xüsusi komissiyanın araşdırmaları nəticəsində 84 ölüm halı müəyyən edilib.

N.Heyqelin cinayət əməlini 2005-ci ildə onun həmkarlarından bir görüb. O zaman inyeksiyadan sonra xəstə yaşayıb və N.Heyqel 7.5 il azadlıqdan məhrum edilib. Bu hadisədən sonra bir neçə cəsəd eksqumasiya edilib və onlarda dərman izləri müəyyən edilib.

Cinayətkar tibb işçisi etiraf edib ki, həddən artıq dozada dərman verməklə xəstələri reanimasiyaya yerləşdirib öz həmkarları qarşısında xilasedici rolunda çıxış etmək məqsədi güdüb.


Hadisə

Xəbər lenti