Aeroport yolunda ağır qəza YENİLƏNİB

Hadisə

09:47 05.09.2017

08:12

Aeroport şosesində baş vermiş yol qəzası nəticəsində xəsarət alanın şəxsiyyəti müəyyənləşib.

Mynews.az APA-ya istinadən xəbər verir ki, 3 saylı Şəhər Kliniki Xəstəxanasından verilən məlumata görə, bu, 1991-ci il təvəllüdlü Tərlan Kazımovdur. O, "Kia" markalı avtomobilin sürücüsüdür. Yaralının vəziyyəti ağır kimi qiymətləndirilir.
 
00:52
 
Bakıda aeroport yolunda ağır yol qəzası baş verib.
 
Mynews.az APA-ya istinadən xəbər verir ki, hadisə nəticəsində bir nəfər xəsarət alıb.
 
"Mercedes" markalı avtomobilin yanacağı bitib. Sürücü maşını yolun hərəkətdə olan hissəsində saxlayaraq yanacaq almaq üçün yanacaqdoldurma məntəqəsinə yollanıb.
 
Bu vaxt arxadan gələn "KİA" markalı avtomobil yolda hərəkətsiz dayanan "Mercedes"ə çırpılıb, ardınca isə "London taksi"sinin sürücüsü idarəetməni itirərək maşını "KİA"-ya çırpıb.
 
Hadisə nəticəsində "KİA"da olan bir nəfər ağır xəsarətlər alaraq xəstəxanaya yerləşdirilib.
 
Hazırda hava limanı avtomagistralında sürət həddi 60 km/saata endirilib. Yolun 1-ci, 2-ci və 3-cü zolağında nəqliyyatın hərəkəti tamamilə dayandırılıb.
 
Faktla bağlı araşdırma aparılır.