Zaqatala sakini Sankt-Peterburqda güllələnib
![](https://img.mynews.az/news/2017/09/photo_24975.jpg)
Sankt-Peterburqda güllələnərək öldürülən azərbaycanlının kimliyi məlum olub.
Mynews.az-ın APA-ya istinadən məlumatına görə, qətlə yetirilən şəxs Zaqatala rayonunun Çobankol kənd sakini Elman Rahid oğlu Məmmədovdur.
Kənd sakinləri bildirib ki, E. Məmmədov Rusiyada bizneslə məşğul olub. O, azyaşlı övladını müalicə etdirmək üçün Krasnoyarskdan Sankt-Peterburq şəhərinə gedib. Sankt-Peterburq şəhərində həmkəndlilərinin evində qonaq qalan Elman Məmmədov siqaret çəkmək üçün binadan həyətə düşüb. O, binanın həyətində naməlum şəxs tərəfindən güllələnərək, qətlə yetirilib.
Mərhumun meyiti sabah doğulduğu Çobankol kəndinə gətirilərək, dəfn ediləcək.
Qeyd edək ki, Rusiya mətbuatında sentyabrın 13-də həmin hadisə ilə bağlı məlumat yayılıb. Məlumatda qeyd olunur ki, sentyabrın 12-si, yerli vaxtla saat 23.05 radələrində Novoe Devyatkino qəsəbəsi, Məktəb küçəsi 94 ünvanında atışma olduğu barədə polisə məlumat daxil olub. Hadisə yerindən Azərbaycan vətəndaşı yaralı vəziyyətdə xəstəxanaya aparılıb. Lakin onu xilas etmək mümkün olmayıb.
Polis əməkdaşları "isti izlər"lə qətli törətməkdə şübhəli bilinin 47 yaşlı işsiz kişini saxlayıblar.
Ondan "Sayqa" karabin tüfəngi götürülüb. Silah polisdə qeydiyyatda olub.
Öldürülən şəxsin hadisənin baş verdiyi ünvana qonaq gəldiyi məlum olub. O, siqaret çəkmək üçün həyətə çıxanda güllələnib.
Faktla bağlı Rusiya Cinayət Məcəlləsinin qəsdən adam öldürmə maddəsi ilə cinayət işi başlanıb.
Hadisə
- Turisti geyiminə görə "Mall"-dan QOVDULAR - VİDEO
- Həccdə istidən ölənlərin sayı 922 nəfərə çatdı
- Ülvi və Fatimə qəzaya düşdü
- Bu gün nəşi tapılan hərbçimizin tərxis olunmasına 20 gün qalıbmış (YENİLƏNİB)
- 10-cu sinif şagirdi vəfat etdi
- Ölümündən əvvəl nişanlısına dəfələrlə mesaj yazıbmış - Yeni detallar
Sizin üçün seçdik
İndi oxunanlar
Həftənin hitləri
- Azərbaycan dili üzrə natiqlik çempionatına qeydiyyat başladı 1170 dəfə oxunub
- “Nar” rouminq paketləri ilə səyahət daha sərfəlidir! 1094 dəfə oxunub
- Turisti geyiminə görə "Mall"-dan QOVDULAR - VİDEO 1087 dəfə oxunub
- Həccdə istidən ölənlərin sayı 922 nəfərə çatdı 1085 dəfə oxunub
- Ülvi və Fatimə qəzaya düşdü 1032 dəfə oxunub