USD 1.70
EUR 1,8441
RUB 0.0175
BREND 78.91
Bakı
7°

Lənkəran və Masallıda evləri su basdı

Hadisə
23:25 04.10.2017
Lənkəran və Masallıda evləri su basdı

Hadisə

23:25 04.10.2017

İntensiv yağışlar Lənkəran və Masallıda ciddi fəsadlar törədib.

Mynews.az xəbər verir ki, Lənkəran çayının daşması səbəbindən Sütəmordov kəndində onlarla evi su basıb.

Hadisə yerinə Fövqəladə Hallar Nazirliyinin əməkdaşları cəlb olunub. 10-a yaxın ailənin təxliyəsi həyata keçirilir.

Hazırda ərazidə yağıntının yaratdığı fəsadların aradan qaldırılması istiqamətində müvafiq tədbirlər görülür.

Güclü yağış Masallıda da fəsadlara yol açıb. Boradigah çayının məcrasından çıxması səbəbindən yüzə yaxın yaşayış evinin həyətyanı sahəsi və bəzi evlərin zirzəmiləri su altında qalıb.

Əraziyə ağır texnika və canlı qüvvə cəlb edilib. Rayon icra hakimiyyəti başçısının müavini Nəsir Muxtarlının verdiyi məlumata görə, qısa müddət ərzində yağış suları texnikaların köməkliyi ilə ərazidən uzaqlaşdırılacaq .

Qeyd edək ki, bölgədə yağıntılı hava şəraiti hələ də davam edir.








Hadisə

Xəbər lenti