Antalyanın Elmalı qəsəbəsində polisin "saxla" əmrinə əməl etməyərək gecə saatlarında qaçarkən qəza törədən avtomobilin sürücüsü saxlanılıb.
Mynews.az Milliyet-ə istinadən xəbər verir ki, minik avtomobilinin arxa oturacaqları olan hissədə oğurlandığı sübuta yetirilən inək aşkar edilib. Avtomobildən güclə çıxarılan inək sahibinə qaytarılıb.
Avtomobildəki 3 şəxs qəzadan dərhal sonra müxtəlif istiqamətdə qaçıb. Şübhəlilərdən S.Ç. saxlanılıb, digər ikisi izi itirməyi bacarıblar. Saxlanılan S.Ç.-nın ifadəsi və aparılan araşdırmalarda, digər şübhəlilərin şəxsiyyəti də müəyyən edilib.
Polis istintaqı davam etdirir.
