Müğənni Elvin Mirzəzadə avtomobil qəzasına düşüb.
Mynews.az xəbər verir ki, ifaçı bu barədə sosial şəbəkədə məlumat yayıb.
“İnsan həyatda üç şeylə sınağa çəkilir - canı, malı və əzizləri. Dünən avtomobil qəzası keçirdim. Çox şükür ki, özümə nəsə olmadı. Dünəndən bu yana xəbər bilib, hal-əhval tutanlara təşəkkür edirəm. Bir balaca maddi ziyana düşdüm. Amma şükür! Bundan ağır vəziyyətə düşə bilərdim. Kaş ki, hamı malıyla sınağa çəkilsin. Bu günümüzə şükür!”, - deyə o yazıb.
E.Mirzəzadə “Düşün məni” mahnısı ilə populyarlıq qazanıb. Mahnı “YouTube” kanalında 6 milyondan çox baxış sayı toplayıb.
