Azərbaycanda "Qerkules"in içindən görün nə çıxdı

Hadisə

22:41 09.10.2017

Marketdən qida məhsulu aldı, içindən cürbəcür həşərat və qurdlar çıxdı. Milli.Az bildirir ki, hadisə Sumqayıt sakini Şahin Nəcəflinin başına gəlib.

İki gün öncə Abşeron rayonunun Saray qəsəbəsində fəaliyyət göstərən marketlərdən birindən "Qerkules" adlı qida məhsulu alıb. Evdə bişirərkən içində qurdların olduğunu görüb. Yenidən həmin marketə qayıdan müştəri eyni məhsuldan yenə alıb. Budəfəki mənzərə isə daha dəhşətli olub. Başqa qutudan da cürbəcür həşəratlar və qurdlar çıxıb.

Vətəndaş iddia edir ki,məhsulun istehsal tarixi bitməmiş görünməsi belə şübhəlidir.Çünki qutusu açılmamış məhsulda içindəki həşaratlar aydın görünür.

Sözü gedən marketdən bildirildi ki, həmin müştərinin müraciəti əsasında məhsullara baxış keçirilib. Həmin firmaya aid olan bütün məhsullar yığışdırılıb.
''Russkiy Zavtrak'' firmasının bölgə satış müdiri Vüsal Hümbətov bu dövrlərdə eyni tipli qida məhsullarında belə halın baş verməsini normal sayır.

Bununla belə vətəndaş aldıqğı qıdanı geri qaytarıb pulunu ala bilər.Həmin məhsullar yıgışdırılıb məhv ediləcək. /xezerxeber.az