Bakının Xətai rayonunda xəsarətlə nəticələnən kütləvi dava olub.
Mynews.az Report-a istinadən xəbər verir ki, hadisə Babək prospekti, 92 ünvanında yerləşən yeraltı piyada keçidində baş verib.
Sözügedən ünvanda 37 yaşlı Cahid İnqilab oğlu Abbaslı və 20 yaşlıKənan Ədalət oğlu Hüseynzadə tanımadığı şəxslərlə mübahisə edib.
Tərəflər arasında yaranan mübahisə davaya çevrilib. Nəticədə Cahid və Kənan ağır bədən xəsarətləri alaraq, xəstəxanalıq olublar. Onları döyən şəxslər isə hadisə yerindən qaçıblar.
Zərərçəkmişlərə xəstəxanada ilkin yardım göstərildikdən sonra hər ikisinin müalicələrinin davam etdirilməsi üçün şöbəyə yerləşdirilib.
Xətai Rayon Polis İdarəsinin 34-cü Polis Bölməsi tərəfindən faktla bağlı araşdırmaya başlanılıb.
