Mingəçevirdə bıçaqlanma hadisəsi baş verib.
Mynews.az “Report”a istinadən xəbər verir ki, hadisə Mingəçevir şəhərində qeydə alınıb.
Belə ki, 1983-cü il təvəllüdlü bərbər işləyən Pərviz Məmmədov iş yerinin yaxınlığında bıçaqlanıb. Bir neçə bıçaq xəsarəti alan P.Məmmədov xəstəxanaya aparılarkən yolda dünyasını dəyişib.
Cinayəti törətməkdə şübhəli bilinən Eldar adlı şəxs saxlanılıb. Saxlanılan şəxs polisə ilkin ifadəsində hadisəni qısqanclıq zəminində törətdiyini, P. Məmmədovun iki dəfə onun həyat yoldaşına zəng etdiyini bildirib.
Faktla bağlı Mingəçevir Şəhər Prokurorluğunda cinayət işi açılıb.
