Batumidə “Arena” gecə klubunda yanğın baş verib, yanğın nəticəsində bir qadın ölüb.
Mynews.az-ın məlumatına görə, Oxu.Az bu barədə “İnterfaks”a istinadən xəbər verir.
Şahidin sözlərinə görə, yanğın partlayan kondisioner səbəbindən baş verib və demək olar ki, alov dərhal bütün zalı bürüyüb. Həmin an klubda 30-dan çox adam olub.
Qeyd edilir ki, dörd nəfər xəsarət alıb, onlardan ikisi ağır vəziyyətdədir.
İlkin məlumata görə, ölən gecə klubunun işçisidir.
