Bakıda İzmir parkının qarşısında “VAZ-2107” markalı avtomobil yaşlı kişini vurub. Qəza anı Daxili İşlər Nazirliyinin “Təhlükəsiz şəhər” kamerasi tərəfindən qeydə alınıb.
Mynews.az-ın Avtosfer.az-a istinadən təqdim etdiyi özəl videodan göründüyü kimi, qəza günün qaranlıq vaxtında, keçid olmayan ərazidə baş verir. Hansı ki, hadisə yerindən 100 metr irəlidə - “Statisitika dairəsi” yaxınlığında piyada keçidi var.
Yaşlı kişi əvvəlcə yolun ortasında – qoşa xəttin üstündə dayanır. Sonra isə qəflətən qaçmağa başlayır. Bu zaman üzərində taksi nişanı olan “07” onu vurur. Sürücü ayıq tərpənərək dərhal maşını dayandırır və piyadanı maşına mindirərək oradan uzaqlaşır.
Mynews.az bildirir ki, piyadalar yolu keçərkən sağa-sola baxmalı, yaxınlaşmaqda olan nəqliyyat vasitələrinin yoluna çıxmamalı, onların təxmini sürətini müəyyən edəndən sonra hərəkətə başlamalıdır. Yolu qaçaraq keçmək təhlükəlidir. Necə ki, bu videoda da tünd geyimdə olan piyadanın məhz qaçaraq yolu keçməsi baş verdi. Əgər o qaçmasaydı qəzanın qarşısını almaq olardı.
Son zamanlar baş verən yol qəzaları arasında piyadavurma halları ümümi hadisələrin 50 faizdən çoxunu təşkil edir. Bakıda isə qəzaların 60 faizdən çoxu piyadavurmalardan ibarətdir. Həmin qəzaları da təhlik etdikdə aydın olur ki, piyadavurmalar əsasən günün qaranlıq vaxtlarında baş verir.
Mynews.az Avtosfer.az-a istinadən Baş Dövlət Yol Polisi İdarəsindən əldə etdiyi daha bir piyadavurma qəzasının görüntülərini təqdim edir:
