Bərdədə oğurluq 3500 manat oğurlandığı bildirilmişdi, əslində isə...

Bərdədə mənzildən pul və qızıl zinət əşyaları oğurlayan şəxs saxlanılıb. Belə ki, Rayon Polis Şöbəsinə ərizə ilə müraciət edən rayonun Qaradağlı kənd sakini Fərhad Həsənov evindən 3500 manat, 1400 dollar və 100 manat dəyəri olan qızıl sırğanın oğurlandığı barədə məlumat verib. Keçirilən əməliyyat tədbirləri nəticəsində oğurluq hadisəsini zərərçəkənin oğlu Mədət Həsənovun törətdiyi məlum olub. Mədət Həsənov istintaqa ifadəsində törətdiyi oğurluq əməlini etiraf edib. Amma o evdən 1700 Amerika Birləşmiş ştatları dolları və 100 manat dəyəri olan qızıl sırğanı oğurladığını deyib. Araşdırma zamanı Fərhad Həsənovun evdən 3500 manat oğurlandığı barədə məlumatı isə yalan çıxıb. Faktla bağlı araşdırma aparılır.