Bakı sakini üzləşdiyi dələduzluq əməli ilə bağlı polisə müraciət edib.
Mynews.az Lent.az-a istinadən xəbər verir ki, 1960-cı il təvəllüdlü Həsənəliyev Cəfər Qürbət oğlu ərizə yazaraq bildirib ki, bu ilin avqustunda yaşadığı mənzildə tanışına külli miqdarda dəyəri olan qızıl verib.
Onun sözlərinə görə, Bakı şəhər sakini, 1967-ci il təvəllüdlü Ağayeva Rübabə Cəlal qızına satış məqsədilə ümumi dəyəri 68834 manat olan qızıl-zinət əşyaları verib. Lakin həmin qadın məbləği ödəməyərək dələduzluq edib.
Müraciət əsasında araşdırma aparılır.
